Risibí pa medio di esaki, e promé kansion di  Shelomi Doran-Bakhuis pa e aña 2022 titulá: ” “Toka kurason di  Dios”

E kansion aki ta un inspirashon i  komposishon propio di e kantante Shelomi Bakhuis mihó konosí komo Shelly, areglá pa Raimy J Juliet i kompañá pa Proskuneo.

Meta di e kansion ta, pa serka tur ku skuché por lanta e deseo di toka kurason di Dios pa medio di un relashon íntimo kun’E.

Tambe pa e kansion aki yega na mas tantu persona posibel i ku tur adorador lo anhelá mas i mas di adorá Dios den spiritu i bèrdat.

E ta optenibel riba plataforma di youtube channel di Shelomi Bakhuis.

E kansion di adorashon aki ta muestra di e union entre adoradornan di mas ku un  iglesia  ku a uni huntu den e produkshon.

Un danki di antemano pa sostené nos i kompartí e kansion aki.
Nos ta konfia ku e  lo ta di bendishon pa tur ku skuché.