Oranje Fonds ta buska sentro di enkuentro

Willemstad – dia 25 di sèptèmber e inskripshon pa Appeltjes van Oranje 2016 ta sera. Hasi huntu riba nos mes! ta e tema di Appeltjes van Oranje pa 2016. Oranje Fonds ta buska lugá di enkuentro eksitoso ku ta boluntario so ta manehá. Tur aña reina Máxima, protektor di Oranje Fonds, ta entregá tres Appeltjes van Oranje. Algu mas ku un siman a sobra pa organisashonnan por inskribí via www.oranjefonds.nl/appeltjes.

E aña akí Oranje Fonds ta buska pa Appeltjes van Oranje sentro di enkuentro bou di maneho propio. Ronald van der Giessen, director di Oranje Fonds, ta splika: “Nos ta buska inisiativa kaminda no sólamente e direktiva sino tambe e maneho diario i e programashon ta den man di boluntario. Manera un sorto di tienda di bario, un sentro di bario òf un plenchi pa mucha hunga ku ta boluntario so ta manehá.”.

Appeltjes van Oranje ta e premio anual di Oranje Fonds pa inisiativa ku di forma eksitoso ta trese union entre grupo di persona diferente. E premio ta konsistí di un imagen di bròns ku prinsesa Beatrix a traha, i un montante di €15.000. Den mei reina Máxima ta entregá e premio pa di dieskuater biaha na tres ganadó. Te dia 25 di sèptèmber ainda por inskribí pa e edishon akí di Appeltjes van Oranje.