Nan lo mester a bai kompetenshanan interinsular

Fin di siman tras di lomba, personal di FDDK a pasa fin di siman ku nos hobennan di KAP, Kolegio Alejando Paula, i Oranje School, kendenan a sali kampion den kompetenshanan di ACU Deporte Eskolar ku inisialmente lo mester a bai kompetí den kompetenshanan interinsular.

E aña aki e kompetenshanan menshoná no a sigui debí na problema di transporte aereo ku nos tabata kofrontá, loke a pone ku huntu ku e organisashonnan di e otro islanan a kanselá e weganan aki, pero lo sigui otro aña ku poder di Dios ku mesun disiplínanan deportivo.

Pa tòg kompensá nos hobennan pa e biahenan ku no a sigui, personal FDDK a bai pasa un fin di siman sumamente plasentero ku nan den Sunscape Curaçao Resort, Spa & Casino!!

Pa keda na altura di tur akontesimentu den kuadro di ACUDeporte Eskolar, sigui e página di Facebook, www.facebook.com/DeporteEskolar.