Subway kampion den sèntwich i kampion riba vèlt

Willemstad, Kòrsou:  Djabièrnè último tim di sòftbòl The Champs a bishitá ofisina prinsipal di Hucor Holding N.V. pa boutiso ofisial di e unifòrmnan nobo di Subway.  E hóbennan di The Champs ta forma parti di Fundashon Hóben Deportivo ku tin komo meta pa yuda den formashon i desaroyo deportivo di mucha muhé i mucha hòmbernan di entre 5 pa 24 aña di edat.  Nan ta duna guia den beisbòl, sòftbòl, futbòl, basketbòl i vòlibòl. Ademas ta hasi aktividatnan deportivo durante aña ku e muchanan. Sra. Surella Veeris di Subway ta bisa di ta a mira potensial den e hóbennan i ta sostené e meta di e fundashon. “Nos ta masha kontentu di por forma parti di e tim i nos ta deseá nan hopi éksito ku entrenamentu i próksimamente ku nan partisipashon na weganan di kampionato. Hopi éksito!.”