25 yanüari 2020, Willemstad – Awe den ora di atardi,Tiffany de Freitas Brás,a biaha pa Bolivia pa representá Kòrsou na Reina Hispanoamericana.

Despues ku e sertámen a ser kanselá na Novèmber último pa motibu di disturbio polítiko, tur kos ta kla pa e sertámen tuma lugá.

Tiffany a pasa den un periodo di 6 luna di preparashon, bou di maneho di Ayanette Statia i ta kla pa saka kara di Kòrsou.

Por sigui tur informashon atraves di su página di facebook: Tiffany de Freitas Bras Reina Hispanoamericana Curaçao 2019. Tambe por sigui tur su paso nan via su instagram: Tiffany de Dreitas Bras.

Por kuminsá vota pa Tiffany via e página ofisial di Facebook di Reina hispanoamericana ku chèns pa e drenta den e finalistanan.

Sertámen lo tuma lugá 8 di febrüari 2020 i por sigui e “live stream” via e página ofisial di Reina hispanoamericana riba facebook.

Un danki tambe ta bai na tur e spònsernan ku a hasi e partisipashon di Tiffany de Freitas Brás posibel.

Nos ta deseá Tiffany de Freitas Brás tur klase di éksito aya na Bolivia.