Tiara Air su gerente Alejandro Muyale ta hopi kontentu di por anunsiá ku Tiara Air ta reanudá servisio di buelo i lo kuminsa bula pa Kòrsou awe 11 di April 2016. E aerolinea a kompletá tur e rekisitonan ku tabata nesesario pa kuminsá bula atrobe. E buelonan pa Kòrsou lo ta riba Djaluna, Djarason, Djaweps, Djabièrne, Djasabra, Djadumingu i lo hasi uso di e Shorts Brothers SD3-60 ku kapasidat di 36 pasahero. Punto di benta di Tiara Air na Aeropuerto Internashonal Reina Beatrix, Call Center (528-4272) i tambe benta online (www.tiara-air.com) ta habri i kla pa sirbi tur kliente. Sr. Muyale tambe tin e plaser di anunsiá ku pa un tempu limitá, Tiara Air lo ofresé pueblo di Kòrsou i Aruba un tarifa di promoshon pa selebrá e reanudashon di buelonan. Pronto Tiara Air lo ta compartiendo mas bon noticia tocante mas destinashon y actividadnan promocional. Por bishita nos website www.tiara-air.com of check Facebook pa mas noticia. Danki pa e confianza den Tiara Air, y danki pa hunto cu nos duna un bon bini back na nos aerolinea Arubiano. Tiara Air su personal di buelo y demas miembronan ta wardabo pa sirbibo y dunabo un caluroso Bon Bini!

Aruba – Curacao

Departure   Arrival          Days

7:15 am       7:50 am      1 – 3 – 5 – 6 – 7

6:00 pm       6:35 pm      5 – 7

Curacao – Aruba

Departure   Arrival          Days

8:35 am       9:10 am      1 – 3 – 5 – 6 – 7

7:10 pm       7:45 pm      5 – 7