Ta ku  gran orguyo i plaser pa por anunsiá un nòmber adishonal pa e elenko di Curaçao North Sea Jazz Festival di aña 2018. E programa anunsiá anteriormente lo keda  amplifiká ku e  músikonan hubenil di esnan asina yamá ‘The Roots of Music Marching Crusaders’ prosedente di New  Orleans (Merka). Nan lo bai move marchando durante e díanan di festival komo e artistanan den moveshon na ingles  ‘artist on the move’ riba e terenonan ku ta  destiná pa e festival.

E programa ‘The Roots of Music’ a keda establesí i  instalá despues di e orkan  devastadó Katrina ku lo a duna hubentut di New Orleans e posibilidatnan pa medio di e plan edukashonal musikal, e apoyo intelektual akadémikoi e guia di e  mentor pa yega na un sierto dominio musikal di un instrumento.  Na mes momento tambe hasi tur loke ta posibel nan ta hasiendo pa mantené e herensia musikal i kultural di e siudat ei bibu.

E programa pa e muchanan entre e edat di 9 i 14 aña ta abarká i ta enserá   anualmente e kantidat di 2500 ora di historia musikal huntu ku su parti di teoria, lèsnan di músika di e diferente instrumentonan musikal ku nan ta usa den e asina yamá ‘marching bands’, lès den koordinashon musikal i preparashon pa presentashonnan musikal. E Asosiashon ta ofresé i ta pone na disposishon e instrumentonan miéntras ku e programa ta aksesibel debí na su amplitut pa tur mucha. Ademas di risibí e edukashon musikal e muchanan ta haña tambe guia pa nan tareanan di skol huntu ku nan kumindanan kayente, i nan transporte di trese i hiba nan bèk, loke tambe ta kai bou di e enkargo di e organisashon. Anualmente  30.400 kuminda ta keda prepará, nan ta hasi 1400 biahe den konvoi miéntras ku ta pone 150 instrumento na nan disposishon.

Diestres di e alumnonan más talentoso lo duna, siendo ku nan ta miembro di  ‘The Roots of Music Marching Crusaders’ (E  Raísnan di e Kruseronan Musikal Marchando), un muestra visual i tambe bistoso i un eksibishon di nan sonido durante e dianan di Curacao North Sea Jazz Festival durante nan diferente presentashonan di e famoso tradishon musikal di New Orleans.