Dos sala luhoso pa bo disfrutá di un eksperensia úniko di sine

For di awe tur pèrsona di 18 aña pariba lo por disfrutá di un sistema nobo di sine na The Movies Otrobanda. Un ‘VIP Experience’ ta brindabo e oportunidat úniko pa den un ambiente relahá disfrutá di bo sine den un ambiente di 5 strea. Stulnan komfortabel, Relax Seat, servisio di un tim VIP i un kushina ku por prepará un variedat grandi di plato internashonal , prepará pa kòkinan eksperto.  

Evitá para den rei i bestèl bo karchi “online”. Despues di mustra bo kodigo na e VIP desk, bo por pasa bai VIP sala mesora. Para den rei pa algu di bebe i kome ta algu di pasado! E ‘VIP Experience’ ta brindabo un sèrvisio tur afó, kaminda un VIP tim ta ofresé bo un servisio à la carte, mientras abo den un ambiente relahante, ku lomba di bo stul den posishon vèrtikal, pianan na altu ta disfrutá di bo sine.

Un karchi pa ‘VIP Experience’ ta kostaNaf. 23,50 i fuera ku bo por bestèl esaki online, bo por kumpra bo karchi tambe na kaha na The Movies Otrobanda. Tantu riba wèpsait komo riba página di Facebook bo por haña e agènda semanal di ‘VIP Experience’  di The Movies Otrobanda.

Pa motibunan stratégiko i di uniformidat a kambia e nòmber di The Cinemas den  The Movies Otrobanda. Awor tin un wèpsait ku tur informashon di The Movies Otrobanda i The Movies Punda.