Ku e  apoyo i reakshonnan positivo durante dianan di selebrashon klousura di e proyekto piloto, e espektativanan ta haltu pa e proksimo proyekto.

Willemstad, – Fundashon Alton Paas ta hopi kontentu i gradesido na e reakshon i sosten despues di a publiká video di e resultado di e proyekto piloto.

Dor di e resultado di e proyekto piloto di Fundashon Alton Paas tin hopi espektativa pa e siguiente proyekto di fundraising. Manera komunidat sa Fundashon Alton Paas ta kere den e  kapasidat, derechi i deber de kada persona ku tin dwarslesi. Kada persona ku tin dwarslesi mester haña e oportunidat pa dedika na su salu físiko y más, pa mantené i optimalisá su habilidatnan i funshonnan pa sòru pa su mes i aportá na su komunidat. Fundashon Alton Paas ta dediká na krea e oportunidadnan ei pa personanan ku dwarslesi, pa nan por logra lo maksimo!

Ounke Fundashon Alton Paas ta aktivo aserkando e instansianan konserni ainda nos ta depende di fundraising pa implementá nos proyektonan pa yuda kalidat di bida di personanan ku dwarslaesie. Kada ayudo finansiero ta yuda nos yega un paso mas pa alkansá nos obheto di un miho kalidat di bida pa personanan ku dwarslaesie. Pa yega na e fondonan nesesario Fundashon Alton Paas ta bai tin su siguiente fundraising ku ta ‘The Annual Fitness Challenge’.

Ku gratitud por anunsia ku International School of Curacao ya kaba a duna nan sosten ku lo sirbi komo lokalidat di e fundraising aki. Nos lo bai tin Charlyne Balentina, Sabina Evertsz, Helen Griffith O’Brienn, Jean-Jamil Royer, Janina Ilha, Bryan Freitas, Daniel Yung ku ta e instruktornan ku lo soru pa e fitness programanan ku ta 45 minut kada unu i pa spinning nos lo tin Lito, Meliza, Ruth Cruz, Niek i Ever Ocampo. Nos lo tin nos Minister di Desaroyo Sosial, Labor i Bienestar ku tambe lo ta presente pa hasi apertura i partisipá na promé sekshon di fitnesss. Lo bai tin tambe diferente stent ku informashon i merkansia pa partisipantenan i komunidat.

Ta un ekipo hopi dynamiko i enthousiasma tin ku ta preparando pa e evento i Fundashon Alton Paas ta gradisi tur instruktor, Minister Larmonie i demás partisipantenan for di awor pa nan sosten i ku 2016 lo habri ekselente.

Karchinan pa e fundraising aki di dia 16 yanuary 2016 ya ta obtenibel na Mensing Caminada i tambe na tur Samson. 35 florin pa adulto i 15 florin pa hoben entre 8 pa 16 aña i 60+. Kompania i grupo di 8 pa 12 persona por registrá pa partisipá na Spinning. Pa kualke informashon por tuma kontakto ku Fundashon Alton Paas na 5100087 of via info@fundashonaltonpaas.org.