5triple9 Productions ta invitá bo na e edishon piloto di: Dia Inter nashonal di hende muhé Kòrsou, ‘Not that kind of woman’ djadumingu 8 mart den Punda. Durante e selebrashon di Dia Internashonal di hende muhé e evento ‘Not that kind of woman’ e publiko nos bai buska definishon pa emanisipashon di hende muhé i feminismo na Kòrsou. Durante e evento lo presentá i hasi entrega di e promé ‘THAT WOMAN AWARD’. E award lo wòrdu entregá na un hende muhé balente ku ta inspirá otro Young Professionals pa ta mesun balente ku’né. Artista Marvi Franco Zapata, ku ta traha na Instituto Buena Bista (IBB) kome dosente, ta e promé diseñadó di “That Woman Award” 2015. Kada aña un otro artista lo haña e honor pa krea e award. 5triple9 Productions a wòrdu lanta den 2013 komo un parti di 0031Productions. E ta un organisashon ku ta dédika su mes pa krea un plataforma pa tópikonan (aktual) ku un karakter sosial dor di traha huntu ku profeshonalnan di varios disiplina. Pa e promé evento e organisashon a traha huntu ku diferente Young Professionals di nos isla. E evento ta tuma luga na un lokashon úniko den sentro di suidat. Nos ta kuminsá 18.30 ‘or den e edifisio di Casa Bernardo. Lenga ofisial di e evento ta papiamentu, ingles i Hhulandes.