Djasabra awó un chèns mas

WILLEMSTAD:- Kòrsou ta den gara di Prince Royce, e ‘fever’ a kuminsá siman pasá ora ku e organisashon enkargá ku e konsierto a lansa un ‘gimmick’ ku a pone Kòrsou aribabou bendiendo riba 1300 karchi riba un solo dia. Tal manera anunsiá durante di e konferensha di prensa, kada patrosinador respektivamente lo tin un kampaña promoshonal antisipando e konsierto. E promé ku ta sali ofresé su klientenan un ékis kantidat di karchi na preis redusí ta Texas a La Paria i Quiznos. E spesial ta tuma lugá djasabra awó eksklusivamente na Texas Sta. Maria. Karchinan pa e promoshon aki ta limitá. Djasabra awó, karchinan sekshon general lo bai na spesial- 60 florin i karchinan VIP Gold- na 225 florin. Mester suprayá ku esaki ta únikamente pa djasabra dia 17 di mei próksimo. Esaki lo tuma lugá na Texas A La Paria na Sta. Maria. Pa probecha di e oferta aki, mester mustra un prueba di bo kompra na Texas A La Paria. E atardi lo wòrdu kompañá ku músika i entretenimentu, transmishon di e programa di Ruvette Dirksz, sigui pa e TOP 25 na Radio Direct 107, MI 95, Radio Rumbera i Fiesta FM 106.3 ku e programa di Dj El Fuerte. Ta premirá un atardi eksitoso mirando ku ta un sierto kantidat di karchi a keda pone den e spesial na Texas, pues es ku yega trempan ta probechá promé.  Pre-benta regular ta sigui normal, sekshon General ta kosta 75 florin, na porta esaki lo bira 100 florin. Sekshon VIP Gold, ta kosta 250 florin, na porta 275 florin- esaki ta inkluí 2 bebida, akseso na e VIP Gold Lounge i ubikashon pará dilanti di esenario. Sekshon VIP Platinum ta kosta 350 florin i ta inkluí, ‘all inclusive drinks and snacks’, asiento na mesa riba e platinum deck, servisio di waitress na mesa i ubikashon pará dilanti di esenario. Pa informashon i pre-benta di VIP Platinum por akudí na e Prince Royce Outlet òf por yama 6885272.Karchinan lo ta optenibel for di djadumingu na, Beep Beep RIO, Tik Tak, Mensings Caminada, AH Supermarket, VdTweel Supermarket na JanThiel, Pagadero Saliña i Pòmpstashon Sta. Helena.