WILLEMSTAD, Kòrsou- Yanüari 2015: “fásil i lihé- esei ta e menú di aktivashon *123#. Nos tabata tin algun tempu ta purba fasilitá nos klientenan ku un kódigo ku ta fásil i lihé pa keda kòrda. E menú di aktivashon nobo ta kumpli ku e meta ei: lihé pa kòrda i fásil pa uza”, esaki di akuerdo ku representante di Digicel, srta. Thessa Fleming. Awòki, dor di e menú di aktivashon *123#  e kliente por selektá e plan di data ku e ta deseá, aktivá International Voice Bundles i servisio di Roam Like Your Home (RLYH), tambe por aktivá SMS bundles, Credit Advance- tur esaki i muchu mas ku e menú di aktivashon fásil *123#. E uzo di International Voice Bundles a bira masha popular; ta yama famia i amigunan den eksterior na tarifa redusí. Por menshoná tambe ku tarifanan di RLYH a bira un gran faborito spesialmente durante di vakashon. Dor di aktivá esaki e kliente ta yama, manda SMS, subi internèt pa tarifanan hopi mas abou i tambe risibí yamadanan for di ‘kas’ grátis. A inkluí e servisio di Credit Advance tambe den e menú nobo; pues Digicel ta ‘fiabo’ te ku 2 florin na krédito pa finalisá e yamada/ kombersashon na momentu ku bo krédito kaba. Un menú pa aktivá tur e plannan ariba menshoná, skohe e servisio ku tin mas balor pa abo. “Ku e menú avansá aki Digicel ta hasi bo bida mas fásil. Chèk bo saldo di data òf aktivá e plan deseá direktamente for di 1 menú. Otro inovashon riba e menú ta ku ya no tin ku yama sentro di servisio di Digicel mas na momentu ku bo kuota kaba promé ku bo plan ekspirá. Awó bo por aktivá kualke plan na kualke momentu. *123# ta hasi bo bida muchu mas fásil!” asina Thessa Fleming a sigui komentá. Digicel a simplifiká i mehorá e menú di aktivashon i na mes momentu a introdusí un manera mas fásil pa sigui e instrukshon tambe. Pa keda den kontakto ku famia i amigunan, kompartí potrèt i vivensia- aktivá un di e paketenan di data pa Whatsapp i subi Facebook sin ku e ta kita for di bo kuota di data. Por aktivá por ehèmpel: un plan di data 4G diario + Whatsapp i Facebook. 30 MB, un dia pa Naf 2,99. Asina por menshoná tambe un pakete di 4G data, 1 dia Whatsapp i Facebook, 150 MB pa Naf 6,50 òf 4G data, 3 dia Whatsapp i Facebook, 600 MB pa Naf 12,50. Lo no dedusí for di e plan di data ora ku bo kuota tèrminá, ainda e kliente por Whatsapp i subi Facebook te ora ku su plan di data ekspirá. Chat i App ki ora ku ta, na unda ku ta! Tantu e paketenan regular pa Android komo e Blackberry lo ta aksesibel via di e menú di aktivashon renobá i fásil *123#.  Pa mas informashon bishitá e wepsáit http://www.digicelcuracao.com òf yama sentro di servisio pa kliente na number +5999 7361056 òf 145 grátis for di bo selular di Digicel. Por komuniká tambe via Facebook https://www.facebook.com/DigicelCuracao.