ORANJESTAD- JULI 2014– Profesional den beyesa Karima Hudson, actualmente National Trainer pa Merca y region di e marca di beyesa Sothys a bishita Okeanos Spa pa un training extensivo di algun tratamento. Karima ta un profesional cu mas di 20 aña di experencia den e mundo di beyesa y cu experticio den tratamento di cara. E ta un profecional estetico y un terapista di masashi licencia cu entrenamento na Francia y Suisa. Karima Hudson a bishita Aruba, riba invitacion di Okeanos Spa  y a duna training na terapistanan local riba diferente tecnica. Entre otro tratamento pa wowo, anti aging y tambe e popular Hanakasumi, esaki ta un ritual Hapones pa re-huvenese y alimenta e curpa. Ademas di esaki a haci introduccion di algun producto nobo di e marca di beyesa Sothys, entre nan e Spa Body Elixer di lily & bamboo.Ta bon pa recorda tur cliente y tur cu ta desea di bira cliente riba Okeanos Spa su Loyalty Card cu ta brinda descuento adicional riba tratamento na momento cu yena e carchi completo. Ademas di esaki tin certificado di regalo pa tur esunnan cu ta desea di tene e opcionnan habri.BishitaOkeanos Spa situa na Renaissance Mall habri di 8:00am te 8:00pm. Pa reservacion yama Okeanos Spa na 523-6176.