WILLEMSTAD –Medisina konvenshonal no ta kapas di aliviá hopi doló, spesialmente doló ku ta króniko. Pero tin solushon: Terapia di Sélula Mama, tambe konosí komo Stem Cell Therapy, ta e solushon pa un bida sin doló.  Despues di un bishita den luna di ougùstùs último, Dr. Carlos Guerrero Silva ta bek na Kòrsou i e biaha aki ku testimonio di hendenan lokal ku a pasa dor di e Terapia di Sélula Mama.

Ku orguyo Stichting Exprys ta presentá un bes mas Dr. Carlos Guerreo Silva, un médiko konosí pa e tratamentu i terapia ku sélula mama, lo ta di bishita na Kòrsou i lo ta dunando un Nochi Informativo pa tantu médikonan lokal komo tambe e publiko en general, spesialmente personanan ku ta sufri di doló i kier buska un alternativa pa nan enfermedat. Dr. Carlos Guerrero Silva ta un médiko ku ta forma parti di e instituto StemWell na Bogotá,  Colombia. E tratamentu, ku ta unu efektivo i rápido no ta rekerí niun klase di sirugia, miéntras ku e temporada di rekuperashon ta hopi kòrtiku.

Tratamentu:

Stemwell ta usa sélula mama derivá di tehido humano di entre otro e navelstrèng, e médula ósea, sélula di vèt i otro sélulanan ku debí na nan konsistensha por funshoná perfekto komo un fuente pa por regenerá e área di kurpa afektá. Komo ku Stemwell tin diferente fuente di sélula mama na su disposishon, i tambe e kapasidat pa konsentrá e sélulanan na kantidat haltu, ta pone ku nan por selekshoná e mihó fuentenan di sélula mama pa kada enfermedat. Klientenan por ta sigurá di un atenshon profeshonal ku resultado duradero.

E Terapia di Sélula Mama ta unu adekuá pa tratamentu di doló i atrosis, tambe e ta sumamente efektivo den leshonnan di deportistanan. Aparte di esaki e ta hopi efektivo den tratamentu estétiko i mantenshon di hubentut korporal.  Terapia di Sélula Mama, un alternativa ku a keda studiá for di 1950 ta un alternativa real pa regenerashon di e kurpa.

Dr. Carlos Guerrro

Dr. Carlos Guerreo Silva lo tei di bishita na Kòrsou un bes mas i a petishon general i durante di su bishita e lo splika ampliamente tokante e terapia Stem Cell Therapy i posibilidat pa yunan di tera por apliká pa e terapia efektivo akí. Dr. Guerrero ta un ortho-terapeuta ku a studia i gradua na Buenos Aires, Argentina. Durante di vários aña el a hasi estudionan avansá di medisina regenerativo basá riba e Terapia di Sélula Mama, na Estados Unidos. Guerrero Silva ta keda konsiderá un eminensia den e área di medisina regenerativo, un área di medisina no hopi konosí pero ku pokopoko ta bira e alternativa den medisina rònt mundu.

Invitashon pa Nochi Informativo GRATIS

Dr. Carlos Guerrero Silva lo tene un Nochi Informativoriba dia 30 di oktober 2018 di 7’or di anochi pa 9’or di anochi na Pro Bista, Corriweg 16, Korsou. Aparte di Dr. Guerrero Silva un kantidat di personanan yu di tera lo konta di nan eksperensha i duna testimonio di loke e tratamentu akí a nifiká pa nan. E presentashon ta GRATIS pues no tin niun motibu pa abo no tei presente pa haña tur informashon nesesario tokante e Terapia di Sélula Mama i e instituto StemWell di Colombia..

Si bo ke sa mas informashon tokante e Terapia di Sélula Mama i e empresa Stemwell,  por yama libremente na Stichting Exprys/ Stemwell Curaçao na number: +599 9 669 9272 (tambe WhatsApp), +5999 525 1055 òf por manda un email na exprys@gmail.com of vickystemwell@gmail.com

www.stemwell.co

www.facebook.com/stichtingexprys