Willemstad, Djadumingu 16 di ougùstùs Teatro Luna Blou & La Tentashon tabata di bishita na Sentro di Bario Tera Kòrá ku presentashon di Hotèl La Tentashon. Tremendo ambiente tabatin djadumingu ku a pasa na sentro di bario Tera Kòrá. Públiko a gosa di e presentashon di La Tentashon Performing Arts Academy. Nan a presentá loke ku durante un siman nan a siña serka Sjaid Fonce, kual ta ekspreshon, ritmo i espasio. Despues di e muchanan di La Tentashon Performing Arts Academy nan a disfrutá di Hotèl La Tentashon. Riba e dia aki e muchanan/hóbennan a haña chèns pa inskribí pa partisipá den Luna Yen, Teater den Bario i Mas Teater den Bario. Danki na e komishon di e sentro di Bario Tera Kòrá i na señora Sylvia Teodora pa e koperashon i aseptashon. Naturalmente na Gobièrnu di Kòrsou, Banco di Caribe i Refineria Isla pa hasi e proyektonan aki posibel. Dia 30 ougùstùs lo tin e presentashon aki un biaha mas na Sentro di Bario Brievengat. Kuminsá reserva e fecha aki Brievengat i bisindario pa bo tambe pasa mes un bon ku e bario anterior nan manera Montaña i Ter Kòrá. Pa mas informashon por yama Teatro Luna Blou na +5999 462-2209/+5999 524-8525. Bo por chèk nos página nan wèp. www.lunablou.com. Tambe bo por sigui nos riba facebook: teatro luna blou i la tentashon.