Social Impulz ta un agensia di asistensia privá, entusiasmá i komprometé, ku hobennan I adultonan spesialisá den:

• Guia personal ku e enfoke riba asistensia balorá
• Investiga kasonan komplika I traha un plan di maneho
• Konektá suidadano ku instansianan di asistensia
• Ofresé yudansa intensivo na muchanan, hobennan (adultonan) den enseñansa i nan famia
• Fortalesé e kapasidat pa asina bira outosufisiente
• Trein muchanan i hobennan pa mehorá nan abildatnan sosial i e kapasidat pa defende su mes.

Kada hende tin un talento. Konhuntamente ku bo Social Impulz ta deskubrí  bo talentonan skondí, pa asina bo por usa nan. Pa esaki Social ImpulZ ta hasi uso di bo impulso sosial i un enfoke agógiko musikal.

Social ImpulZ ta ta ofresé i tra na tur e aspektonan di siña manera:

• Estilo di siña
• Strategia di siña
• Miedu pa frakasá
• Konsentrashon
• Motivashon: Kon hasi ku ‘no tin gana’ i lèsnan laf
• Plania i organisá tarea di kas, mandatonan i tempu liber
• Evaluashon: Kon atendé bo asuntunan i kon por mihó
• I naturalmente hopi teps, sabiduria, tèstnan i ehersisionan

Social Impulz ta pará pa yudansa na midí, ku énfasis riba kompetensianan di un persona. Social Impulz ta para pa un servisio profeshonal i di kalidat haltu pa saka lo mihó posibel for di nos muchanan, hobennan i nan famia. Social Impulz ta kere den posibilidatnan i ta yuda den e trayektorio eskolar. Social impulz ta investigá i trese solushonnan nesesario pa yuda kada mucha i hoben yega na un resultado positivo i asina alkansá su metanan den bida. Social Impulz ta pará semper habrí pa kombersashonnan profundo i motivashon pa hende.

Social Impulz a ser lansá na Hulanda  20 di òktober 2016 dor di e hoben talentoso i dinámiko yu di Kòrsou Jaenela Dossett. Segun Jaenela  “ E periodo eskolar ta e periodo di mas importante den bida di un hende”. Dor di esaki  e ta pone énfasis  pa tin guia adekua ku ta mará na e studiante su nesesidat .

For di mucha, Jaenela tin e pashon pa yuda hende. Komo ku for di chikí Jaenela tin e kurason pa hustisia i pa respetá, trata i balorá otro ku sinseridat den nan propio norma i balornan, Jaenela a spesialisá su mes den su profeshon komo trahadó sosial. Trahando esaki e ta haña e satisfakshon kompletu dor di mira desaroyonan di otronan. Jaenela ta hopi kurioso pa tur loke tin di haber ku mucha, hoben i desaroyo di talento. Su spesialidat ta guia personal den e trayekto eskolar i investiga kasonan komplika.

Trahando pa mas ku 7 aña den diferente organisashonnan komo trahadó sosial na skolnan básiko i tambe skolnan avansá, Jaenela a deskubrí su manera úniko pa yuda hobennan yega mas aleu den bida. Na 2011 Jaenela a muda pa Boneiru komo trahadó sosial pa duna un man aki tambe. Na 2013 el a regresá Ulanda bèk.

Trahando den diferente área ku diferente populashon, Jaenela a bin konstatá ku tin un gèp pa loke ta trata yudansa na e populashon Karibense na Hulanda. Den pasado e la traha den e spesialidat aki i a haña resultadonan positivo dor di su komprendementu i maneho adekuá di e populashon aki. Den kombersashon ku diferente hobennan Jaenela ta tende kiko nan ta sinti falta di dje ora ku nan tin mester di yudansa na skol. Dor di esaki i diferente preguntanan pa sosten adekuá, Jaenela a disidí di tuma e stap i lansa su agencia  “Social Impulz”. Ku esaki Jaenela ke yuda pa tur hende diskubri e poder di balorashon.