Manera ya ta konosi ku ofisialmente temporada di Karnaval ta kuminsa riba e fecha 11 di novèmber. Esaki ta mundialmente anto aki na Kòrsou lo no ta un esepshon. Pa kuminsa e temporada aki den un bon ambiente Karnavalesko Coridja Stars Production ta organisá un tremendo Festival titulá TUM- BA- SILON ku lo tuma lugá riba e fecha: 11 di novèmber den Roosevelt Party Center di 7:30 pa 1:00 anochi E partisipantenan di e Festival aki mester representá un grupo di Karnaval, organisashon, kompania i stakeholders ku ta sostené e representante ku nan a asigná pa partisipá den e Festival aki. E idea ta ku e partisipante lo kompeti interpretando un Tumba eksistente di kual e tin ku adaptá e letranan den algu chistoso ku ta konta algu di e grupo òf e kompania/stakeholder ku e ta bai representá. Meta di e Festival aki ta pa den un ambiente di basilón musikál trese gruponan di Karnaval, organisashonnan, kompania i “stakeholders” muchu mas serka di otro den union i asina krea i forma lasonan di amistat. Gruponan i instansianan ku ta sostené Karnaval, kòrda inskribí boso representante i ken sa ku viktoria lo ta di boso banda, pues no duda ya ku e ambiente lo ta garantisá. Pa mas informashon: www.coridjastars.com