Direktor di Tempo Caribbean Arie van Hoven huntu ku ENNIA a hasi e riesgonan di su empresa visibel ku e tèst di riesgo di ENNIA. Den su kombersashonnan ku account manager Tini Lasten i eksperto Shairlon Balentina el a indiká ku empleadonan temporario ta kore e riesgo ku por konsiderá nan responsabel pa eventual daño serka e kliente. Danki Dios esaki no ta pasa hopi, pero den kaso ku algu bai robes e impakto por ta grandi. Tempo no kier a sigui kore e riesgo akí mas.
“E relashon entre Tempo i ENNIA ta estrecho, nos tin hopi konfiansa den otro. Nos ta traha huntu kaba riba tereno di penshun, i e konekshon ku Shairlon tambe tabata hopi bon. Kobertura pa responsabilidat sivil no ta tur ora na promé lugá den bo mente, pero e produkto nobo di ENNIA ta transparente, no ta kosta hopi i ta partí den sektor. Awor mi por laga mi hendenan bai traha ku un kurason trankil!”, sigun Arie van Hoven. ENNIA Corporate Insurance specialist Balentina ta añadí: “Por ta zona straño, pero semper mi ta buska opshonnan pa un empresa no mester sigurá di mas. Hopi bia bo por limitá riesgo ku otro medidanan preventivo. Pero e riesgo akí ta afektá núkleo di e empresa, antó e ora ei ta mihó kubri esaki ku un seguro adekuá.”
Tempo Caribbean ta un HR Service provider ku mas ku 25 aña di eksperiensha ofresiendo profeshonalismo i kalidat. Nan por regla personal temporario, payrolling, recruitment i proyekto. “Semper nos punto di salida ta pensa huntu ku e kliente, i ofresé solushon.”
Riesgo = Chèns x Impakto
Esensia di e análisis ta pa balotá chèns i impakto di kada riesgo. Esaki ta nifiká e chèns ku algu ta bai robes i e impakto riba e organisashon. Por limitá e chèns ku medidanan di prevenshon òf evitando sierto situashonnan.
Meskos ta konta pa impakto di por ehèmpel un aksidente, òf un situashon ímprevisto. Si e impakto ta mas grandi ku loke e empresa mes por karga, ta konsehabel pa tuma akshon i medida. Por ehèmpel pasa e riesgo pa un kompania di seguro.
E ekspertonan di ENNIA tin konosementu pa rekonosé riesgo i tuma medida. Huntu ku e empresario nan ta determiná kua riesgo e empresa mes por karga, i kua riesgo ta mihó pa sigurá.
Info: www.ennia.com/risicotest