Bida riba e mundu aki ta konektá na un ritmo diario di solo ku ta sali tur mainta i baha tur atardi. E siklo aki di klaridat i skuridat ta asina un parti di nos eksistensha, ku ta fásil pa lubidá e presensha di tal ritmo i kuantu e ta influensiá nos kurpa, nos komportashon i asta nos salú.

Meskos ku tur animal, hende tin un patronchi di ritmo di aktividat ku ta afektá tur aspekto di nos bida diario.

E patronchi rítmiko aki ta kontrolá ki ora nos ta lanta i ki ora nos ta bai drumi …ki ora nos ta traha i ki ora nos ta sosegá… ki ora nos kier kome i ki ora nos kier dibertí.

E ritmo aki di serka un dia, sientífikonan ta yama e ritmo sirkadiano. Na ingles: ‘The Circadian Rhythm’.

Grupo di Karnaval Kolorin, na su manera, ta presentá bo The Rhythm of Life , den forma di un trahe kolorido ku aksènt riba ritmo. Ku hopi ritmo, grupo di karnaval Kolorin ta invitábo na presentashon na prensa i públiko.

Pa informashon riba grupo di Karnaval Kolorin i su presentashon, por yama Jacqueline Kwidama despues di 5or na 522-3675, of manda bo pregunta na kolorin2014@gmail.com