Willemstad- Bièrnèsantu, e dia ku mundu ta rekordá ku Hesus a entregá Su bida i muri na E krus pa salba nos di piká i duna nos bida eterno. E aña aki Telecuraçao Kanal 8 i Radio i RTV7 riba e dia aki lo trese e programa aktual for di mainta tempran  presentá pa diferente denominashon kaminda abo na kas por tende testimonio, risibí e palabra, enrikesé bo konosementu i biba ku e pashon di Kristu den bo idioma i kultura. 9:30 di mainta Iglesia House of Worship lo presentá “Ban Halsa e standarte, 10 or di mainta Ministerio Bida abundante lo trese un programa riba Último Santa sena ku Pastor Shermelin Josepa, di 11or di mainta pa 2or di mèrdia lo tin un programa katóliko bibu den studio titulá “Na pia dje krus di Kristu ku

Pastornan Morison La Porte ,Pastor Ronald Kiban i Pastor Raul Mercedes

Bo tambe por partisipá ku pregunta, testimonio o eksperiensha ku Kristu. Atardi 5or Iglesia Gracia na abundansia ku Pastor Cali Varlack tambe lo tin nan programa. 6or lo tin e programa “Herensha” ku Sur Modesta. 7or “Ban Halsa e standarte, 8 or e pelíkula “Seminarista” ku artistanan lokal sigui pa dos konsierto mas anochi. Pues un invitashon ta bai na Pueblo di Kòrsou pa e aña aki sinta trankil na kas i sintonisá bo planta nashonal riba Bierna Santu