Willemstad, Djasabra aki 18 di yüli e tim di Teatro Luna Blou & La Tentashon lo ta na Sentro di Bario Montaña ku presentashon di Identi-Dance i Hotèl La Tentashon. Pa e di dos periodo di aña Teatro Luna Blou tin algun proyekto manera Luna Yen, Teater te den bo bario i Mas Teater den Bario. Luna Pasa nos a bishita bario di Seru Fortuna i e biaha aki nos lo ta na Montaña buskando talentonan i persona nobo ku por djòin e proyektonan aki. Ta pa e motibu ei nos lo tin Identi-Dance. Kaminda e hóbennan di e opvang di La Tentashon Performing Arts Academy lo presentá diferente baile moderno i aparte di esei lo tin Hotèl La Tentashon. Hotèl La Tentashon ta un obra presentá pa hóben di Luna Yen 2014. Despues di nan partisipashon den e kompetensha di Luna Yen, e show di talento pa hubentut. E organisashon a disidí di traha un obra ya asina nan por sigui desaroyá nan talento den diferente área. E obra ta bai tokante un hotèl ku ta bayendo bankrut pa motibu ku tin sierto hendenan ta hasiendo un chake pa señora Clarinda, doño di e hotèl. Aki Superman, su subrino i algun trahadó ta deskubrí ken tur ta tras di e wega aki. Esaki lo ta nan estreno pa despues nos pasa algun sentro di Bario. Ya pueblo di Kòrsou por sera konosí ku e finalista nan di Luna Yen 2014 enbuska di esnan di 2015. Keda pendiente paso Luna Yen ta na kaminda. Danki na Banco di Caribe i Refineria Isla pa hasi e obra aki posibel i nan ta invitá tur hóben riba 14 aña pa inskribí pa Luna Yen, e show di talento pa hubentut. Si bo ke forma parti di Luna Yen, por kuminsá inskribí na Teatro Luna Blou. Bario di Montaña i bisindario kòrda ku bo tin un invitashon pa djasabra awor 18 di yüli 5or di atardi bo bin i disfrutá di Identi-Dance i Hotèl La Tentashon na sentro di bario Montaña. Karchi ta na balor di Naf 5,-. Bo por haña karchi na e sentro di Bario mes. Pa mas informashon por yama Sentro di Bario Montaña na +5999 767-1600 òf Teatro Luna Blou na +5999 462-2209/ +5999 524-8525. Bo por chèk nos página nan wèp. www.lunablou.com. Tambe bo por sigui nos riba facebook: teatro luna blou i la tentashon.