Willemstad, Teatro Luna Blou & La Tentashon tei lansa su karchi di miembresia nobo. E aña aki nos a deklará ku ta aña di teater. Pa e motibu ei direktiva di Teatro Luna Blou a bin ku e inisiativa di tin su karchi di Miembresia pa tur esnan ku stima e mundu di teater. E benefishinan pa abo tin bo Karchi di Miembresia ta: Deskuento for di 10% te ku 100%. Esaki ta konta pa produkshonnan di Teatro Luna Blou òf La Tentashon. Sea bo por haña un deskuento for di dies porshento òf por wak obranan grátis. E ta bálido pa henter un aña. Ku bo karchi bo por haña deskuento di hür di sala. Sea Teatro Luna Blou òf La Tentashon. Bo por usa e sala nan aki pa Kasamentu, Risibimentu, Hasimentu di Aña Konferensha etc. Lo bo por disfrutá di mas ku 10 produkshon lokal i Internashonal pa aña. Kostonan di bida a subi i Teatro Luna Blou mester di sosten di pueblo di Kòrsou pa por sigui kubri algun gastu. Hopi di e preisnan di e komedianan lo bira nafl 30,- i si bo tin bo karchi di miembresia esaki lo bira nafl 27.50,- E karchi di miembresia ta kosta nafl 75,- i tin solamente 100 di nan pues si bo tambe ke forma parti di e famia di Teatro Luna Blou, buska bo karchi di miembresia na takia di Teatro Luna Blou òf na Time To Time (saliña)