Willemstad, – Teater Luna Blou ta lansa su tremendo kampaña 2014 aña di teater. Durante di aña 2014 teater Luna Blou ta bai tin vários “stunt” pa selebrá nan di 11 aniversario i alabes selebrá 2014 komo Luna Blou su aña di teater. E promé “stunt” ku ta bai tin ta e kampaña “Traha bo clip i gana ku Luna Blou”. Luna blou ta lansa un jingle nobo titulá “2014 aña di teater”. E jingle aki ta un idea di Segni Bernardina direktor di teater Luna Blou. E mes a kompositá e letranan huntu ku Xemio Jacobs. Despues ku nan a traha e Jingle aki a bin ku e idea pa ban traha un video clip ku e jingle. E kos tabata un chiste ku a para bira un kos serio. Ku un “camcorder” chikitu Segni  i Xemio a filma tur trahadó ta kanta e jingle i despues a editá esaki  i traha un videoclip den record time.  Mesora a surgi e idea pa lansa un kampaña pa laga pueblo di Kòrsou traha nan propio video clip i manda esaki pa Luna Blou. E videoclipnan lo keda pone riba Luna Blou su facebook i website i e clip ku tin mas likes i hits ta gana. E premionan ta for di karchi grátis, uso di sala di e teater Luna Blou òf La Tentashon kompletamente grátis,  karchi miembresia VIP ku entrada grátis pa hinter un aña i hopi mas. Kon pa partisipá? Pa bo partisipá ta hopi fásil.

• Download nos jingle “2014 aña di teater for di nos website www.lunablou.com of for di nos facebook teatrolunablou of nos You tube channel: Luna Blou TV
• Usa kualke kámara ku bo tin. (Blackberry, I-Phone, Android, etc
  • Usa bo kreatividat i traha algu original, espektakular, kómiko  manera bo ke.
  • Filma bo mes òf bo grupo te ku un máksimo di tres hende ta kanta, balia, toka òf playback e jingle di Luna Blou.
  • Traha bo propio video clip i mail e pa nos na marketing.lunablou@gmail.com
  • Bo por entreg’é tambe riba un stick na teatro Luna Blou
  • Manda bo nòmber òf di bo grupo huntu ku tur bo informashonnan.
  • Nomber, Edat, Adres, ID, Telefon i e-mail adress.
  • Bo no tin mag di publiká e video clip promé ku nos lansa e clip riba nos website òf facebook
  • Pa mas informashon yama teater Luna Blou na 462-2209 òf mail nos na marketing.lunablou@gmail.com