Ya pa basta dia kaba por a mira ku TDS a kuminsá propagandá su logo di 30 aña. Awèl awe 17 di sèptèmber 2015, e luna di selebrashon ta start ofisialmente.
Si asina mes, komo e úniko kompania di televishon pagá, 100% lokal, ku empleadonan 100% lokal i e úniko ku ta brinda produkshonnan lokal, TDS lo bai duna tur su miembronan i esnan ku ke djòin e, mas di 20 mil kasnan ku ta biba ku nan TDS, un luna grandi ku yen di sorpresa.
Kuminsando awe, tur persona ku NO ta miembro aktualmente por bira miembro grátis. Si asina mes, totalmente grátis. E pakete ku a kousa asina tantu furor, “Esun Chikí”, entre 17 di sèptèmber pa 16 di òktober, lo no mester paga e gastu di instalashon. Solamente e gastu mensual di ANG29.99 bo mester kubri pa abo por disfrutá di mas ku 90 kanal di tantu video komo audio.
Anto tin mas, tur kliente ku bira miembro i paga pa nan promé luna di miembresia, lo haña tur sobra kanalnan, kual ta mas o ménos 150, pa 30 dia KOMPLETAMENTE GRÁTIS.
Pues un ganga úniko pa tur kliente ku kier djòin TDS den e 30 dianan aki di selebrashon. Lo bai tin hopi sorpresa, i dimes tur kliente eksistente tambe lo bai haña regalonan úniko pa di e forma aki yama danki pa e konfiansa brindá durante e 30 aña nan aki.
Ademas, kuminsando for di dia 17 di sèptèmber, tur kliente ku paga ku nan karchi di Maestro lo kuminsá haña FunMiles tambe. Esaki si ta solamente pa klientenan ku ta paga ku karchi di MAESTRO. Anto si bo ta paga ku e karchi di MCB, lo bo haña 2X e kantidat di Funmiles.
Klientenan eksistente tambe lo bai haña 30 dia pa wak tur kanal kompletamente grátis, Pay Per View nan na preis redusí i komo kulminashon di e selebrashon, TDS lo bai brinda pueblo di Kòrsou kompleto, un kaminata dia 17 di òktober próksimo ku lo pone Kòrsou kompleto paralisá.
E tema di e kaminata aki lo ta “TDS 4D Walk” i lo bai duna tur partisipante e oportunidat pa eksperensiá e 4 dimenshonnan di e teknologia 4D den un forma sano, kanando riba kayanan di Kòrsou. E kaminata aki lo bai tin hopi sorpresa i lo ta un kaminata anochi sin molèster di solo pero ku lo laga henter Kòrsou keda papia pa dianan largu di e eksperensia úniko aki.
TDS un biaha mas lo mustra ku kompanianan lokal ta esnan ku ta keda sosten’é nos ekonomia i ku semper lo tei pa brinda e pueblo di Kòrsou kosnan bon i naturalmente kosnan ku ABO gusta.
Pues keda pendiente pa mas informashon di TDS den e luna ku a kuminsá aki. TDS ya pa 30 aña largu kaba…………………. Esun di NOS!