TDS e úniko kompania di TV Paga di Kòrsou ku tin derechonan di Major League Baseball, un biaha mas ta duna su klientenan e oportunidat di bai eksperensia kiko ta final di un kompetensia mundial di beisbòl.

Asina mes, World Baseball Classics 2017 lo ranka sali dia 6 di mart próksimo ku nos muchanan hungando den e ekipo ku ántes tabata yama Hulanda pero awor ku hopi preshon di TDS a kambia e nòmber pa “Kingdom òf The Netherlands”.

TDS ta sumamente orguyoso ku a logra esaki pa mustra mundu kompleto ku ta e islanan di Reino ta forma un di e ekiponan mas fuerte ku tin den WBC 2017.

TDS a kumpra e derechonan di e weganan aki i lo pasa e weganan aki pa tur su miembronan ku tuma e pakete di MLB Extra Innings. E pakete di WBC ta wòrdu inkluí gratuitamente den e pakete di MLB Extra Innings ku ta dura te ku sèptèmber 2017 i ta kosta ANG45.50 pa luna den 7 luna. Pues bo ta haña mas balor agregá kumprando e pakete di Baseball serka TDS. Ya komo ku e weganan aki lo pasa solamente den High Definition, TDS ta inkluí instalashon grátis di un bòks HD p’abo por disfrutá di e weganan aki den definishon altu den bo sala di kas. Tur kliente ku ya kaba a tuma nan pakete di MLB 2017 por pasa tuma nan formulario pa partisipashon na e rifa pa bai wak WBC 2017 mas e instalashon di e HD bòks grátis. Kòrda tin reglanan di kampaña ku ta kompañá e rifa aki.

Klientenan por hasi nan petishon via 9242 tambe pero si nan no pasa na Sta. Rosa na ofisina di TDS pa yena nan formulario, esakinan lo NO partisipá na e rifa ni risibí e Bòks HD grátis instalá. E spesial aki ta bálido te ku dia 13 di mart i e ganador ku lo risibí 2 pasashi ida i buèlta pa Los Angeles mas estadia i karchi pa e weganan lo wòrdu anunsiá 14 di mart próksimo den e programa di Morgan Mainta na TCFM.

TDS ta informá tambe ku e weganan lo pasa riba e kanalnan 696 i 697 i e pakete aki ta kosta mas o ménos ANG20.00 pero tumando e pakete aki si bo lo NO risibí e lòt pa bai Los Angeles pa e final di WBC 2017 . TDS e aña aki un biaha mas ta brinda 1 kliente e oportunidat di bai ku 1 persona mas pa eksperensia kiko ta WBC 2017 su final.

Kiko e klientenan mester hasi pa partisipá?

Algun regla di kampaña ku ta mas importante ta, ku kliente no por tin saldo habri, kliente mester a paga su promé luna di MLB 2017, kliente mester tin su pasport vigente pa mínimo 6 luna mas i kliente mester biaha si e wòrdu selekshoná komo ganador.

Asina fásil bo ta partisipá na e premio aki. Dimes tin mas regla di kampaña ku tur kliente ta risibí na momentu di partisipá. Pa tur informashon por yama 9242 pero pa partisipá mester bai na TDS Vinik Plasa. Pa partisipá na e kampaña aki e kliente mester kumpli ku tur regla di kampaña i solamente por partisipá si e tuma e pakete di MLB te ku 13 di mart próksimo.

Bo tambe ke bai WBC 2017? Awèl hasi lihé i bai TDS Vinik Plasa pa bo por partisipá. TDS un biaha mas ta mustra pueblo ku e ta i lo keda Esun Di Nos 4 life.