Resientemente TDS a lansa un bòks High Definition nobo i hopi kliente di TDS a risibí esaki na kas. E klientenan aki direpente a kuminsá eksperensia ku nan ta pèrdè sierto kanalnan ora nan risibí un mensahe riba nan pantaya ku ta bisa “RESCAN” Durante di e “RESCAN” aki sierto klientenan tabata pèrdè algun kanal ku nan tin riba nan HD Decoder. TDS a tuma nota di e kehonan aki i mesora a tuma kontakto ku e fabrikador di e HD bòksnan aki i esaki a aseptá ku tin algun di e bòksnan aki ku tin un problema chikitu.

Pa resolvé e problema aki e fabrikadó di e bòksnan a deseñá un software ku lo bai pa TUR e bòksnan aki via di un señal durante di e siman di 11 pa 16 di Desèmber 2017. Esaki solamente ta konta pa e bòksnan CRENOVA ku ta aparesé den e propaganda ku ta i lo Sali durante henter e siman aki. Ora bo risibí e mensahe aki riba bo pantaya, por fabor primi “YES òf OK” riba bo remote control di e bòks.

Esaki lo instalá e software nobo i despues lo pidi bu pa hasi un “RESCAN” Awor trankil bo por primi “YES/OK” riba bo remote. Den futuro tambe si bo risibí un “RESCAN” semper primi “YES/OK” ya asina e bòks lo risibí update di informashon riba e harddisk di e bòksnan aki. TDS huntu ku e fabrikador ta trahando riba un solushon pa e update nan aki pasa outomátikamente den futuro. TDS kier a pidi su diskulpa pa e inkonbeniensia aki.

Atentamente TDS 4 Life!