TDS den su afan pa mantené i duna un mihó servisio posibel kier a informá tur su miembronan ku djamars pa djárason awor pues 8 pa 9 di ougùstùs próksimo, lo bai ehekutá un mantenshon urgente ku lo afektá tur kliente di TDS.

E mantenshon aki tin di aber ku regulashon di koriente na TDS su punto sentral di transmishon. Pa ku e mantenshon aki, mester paga tur ekipo di TDS na e punto sentral kaminda ta risibí señalnan for di satélite. Esaki ta nifiká ku TUR kliente di TDS lo haña riba nan pantaya e mensahe di NO SIGNAL for di djamars 8 di ougùstùs pa 11:45pm (anochi) te ku djárason 9 di ougùstùs 08.00am (mainta).

TDS lo hasi su máksimo esfuerso pa terminá ku e mantenshon aki promé ku e orario stipulá pero semper pa motibu di prekoushon ta duna e espasio nesesario pa hasi e trabounan mas efikas posibel ya asina abo na kas por tin un mihó kalidat di produkto.

Pues rekapitulando, den e orario di 11:45pm pa 08:00am di djamars 8 pa djárason 9 di ougùstùs 2017, ningun kliente lo tin ni imágen ni zonidu riba nan televishon.

TDS a skohe konsientemente e orario di mardugá pa hasi e mantenshon, orario ku ménos persona ta wak televishon.

Di antemano TDS kier a pidi su klientenan un diskulpa pa ku e inkonbeniensia aki.