Journey to Significance(J2S) ta un empresa dinámiko ku tin entre otro komo meta pa yuda e individuo diskubrí nan kualidatnan i desaroyá e “Abo Ekselente”. Djasabra 30 di novèmber 2013 J2S ta organisá un ‘Tayer di Liderasgo i Entrepreneurship’. E biaha aki J2S ta presentá komo invitado spesial e yu di Kòrsou ku trayektoria internashonal Arthur Bertinus. Arthur Bertinus ta un oradó inkansabel, edukador, coach den maneho I business manager’. Sr. Bertinus ta aserká Entrepreneurship i Liderasgo na un manera ku ta konstruí un identidat fuerte. Komo un oradó I investigadó den área di maneho, ‘entrepreneurship i potensial humano, sr. Bertinus ta enkurashá su skuchadónan pa wak den nan mes pa saka tur loke nan tin pa logra nan meta signifikante. Sr. Bertinus a gradua na ‘Vrije Universiteit’ na Hulanda kaminda el a studia ‘Organization Science’. E ta forma parti di e tim di investigashon di ‘change management and complexity’ na e Universidat ariba menshoná. Sr. Bertinus ta un eksperto den Liderasgo, ‘Macroeconomics’, Rekurso Humano, Edukashon i ‘Corporate Strategy’.Durante e tayer aki e oradornan Arthur Bertinus i Gerald Chirino lo profundisá riba e siguiente temanan. E 5 nivel di liderazgo personal i profeshonal; E diferensha entre liderazgo di transakshon i liderazgo di transformashon; Liderasko di paden bai pafo Filosofia Strategiko pa kresementu den liderasko Kapasidat pa  identifika i Krea un negoshi prospero Mentalidat pa tuma desishonnan Strategiko E tayer aki ta tuma lugá na Lions Dive Hotel for di  8or di mainta pa 12.30 di atardi. Karchi ta optenibel serka e organisadónan i ta kosta fl. 169,00  (inkluso material i konsumo). Por yama na number di telefon 516 5265 &   516 4909 pa reserva karchi. Ta entrega karchi na e adrès deseá. Dikon bon liderazgo ta importante? Paso liderazgo ta determiná e klima di bo kas, organisashon i pais i e klima ta determiná un bon òf mal resultado!!!!!