WILLEMSTAD – E konosido kantante lokal Tamara Nivillac ta bek na Korosu ku un tremendo konsierto na bordo di Freewinds  huntu ku e kantantenan Debbie Beaujon i Angela Vergouwen i tambe e musiko Christoffer Walle i tambe Thbe Freewindsband, djamars dia 25 di mart 2014. Manera un i tur ta na altura, Tamara Nivillac ya pa algun aña ta bibando na Ulanda, kaminda e ta finalisando su estudio di Master in Finance & Investment na Erasmus Universiteit. Aparte di studia, Tamara Nivillac ta trahando tambe komo artista profeshonal. Na vários okashon Tamara a tour den eksterior ku diferente proyekto  manera e.o.: Rootsriders and the Tribute to Bob Marley; Meta Dia (New York); Maxi Priest; Izaline Calister;  Shirma Rouse; Giovanca; Stanley Alejandro Clementina i Junior Tecla. Tamara Nivillac ta ganador di  Curaçao Talents  i Caribbean Gospel Festival . Ganador di Karabela award (Best female voice) anto na 2011 Karabela award dediká na su persona komo role model. Na 2013, Tamara Nivillac a keda nominá pa Caribbean Pearls Award (na Ulanda), miéntras ku el a yega di kanta  den pre-show di Juan Luis Guerra, Kassav, George Mccrae i tambe a yega di kanta pa royal family i La reina Beatrix.

Futuro: Na e momentunan aki Tamara Nivillac ta den studio i ta trahando riba su  mes produkshon huntu ku producer/songwriter Stanley Alejandro Clementina i e plannan  pa a saka un CD mas den kabamentu di aña. Fin di mart Tamara Nivillac lo  release su  promé single (i tambe un videoclip) na Kòrsou titulo “Gosa”.

Konsierto di dia 25 di mart:

Meta di e konsierto di djamars dia 25 di mart awor ta pa sirbi komo fundraising pa asina ei Tamara Nivillac por rekoudá fondo pa gastunan pa ku e single release (i videoclip) i eventual CD. Preis di entrada pa e tremendo konsierto aki ta 25 florin pa persona. Karchi ta optenibel na porta, pero por yama adelantá pa reserva esaki na  698-8611. Tambe por reservá via di  e-mal na  reservation@tamaranivillac.com  Un invitashon pa bai pa tur hende ku gusta bon konsierto i sigur riba Freewinds esaki ta garantisá, pa no keda for di e konsierto di Tamara Nivillac di dia 25 di mart awor.