Bo por soportá e kayente den kushina; abo ta e kulinario Jean-Julien Rojer? No duda mas, i registrá bo mes pa partisipá den e kompetenshanan kulinario di Kòrsou.
E kompetenshanan kulinario lo tuma lugá den febrüari 2016, e kompetenshanan aki ta pa forma e team kulinario ku lo bai representá nos ‘dushi pais’ na “Taste of the Caribbean” na Miami den e siman di 6 di yüni 2016. “Taste of the Caribbean” ta un kompetensha international kaminda por lo ménos 10 ekipo di diferente paisnan Karibense ta partisipá. Pa por forma e ekipo aki ku e mihó Kòki (Senior i Junior), Pastry kòki i bartènder, CHATA ta organisá e kompetenshanan kulinario (Curaçao Culinary Competitions).
Den preparashon pa e kompetenshanan kulinario ku lo tuma lugá den e luna di febrüari 2016, CHATA ta organisá diferente tayer; Bartender, Chef i Pastry Chef. E tayernan ta wordu organisa pa Senior Chef, Junior Chef (te ku 21 aña), Pastry Chef i Bartendernan lokal ku ta traha na hotelnan i restaurantnan ku ta miembro di CHATA.
E tayernan di Chef lo tuma lugá djaluna 25 di yanüari 2016 di 15:00 – 17:00 ora. Luga tin ku wordu anunsia ahinda). E tayer di Kos di boka dushi lo tuma lugá djamars 26 di yanüari 2016. E partisipantenan mester bin ku un plato prepará (piska, galiña òf karni baka), esakinan ta wòrdu evaluá dor di e hurado. Esaki ta konta meskos pa ku e kòkinan di kos di boka dushi. E tayernan lo wòrdu duna dor di kòki international: Henny Kolenbrander (Pointsnack) i kòki di kos di boka dushi di Sta. Barbara Beach & Golf Resort: Wouter Tjeertjes.
E tayer di Bartènder lo tuma lugá djaluna 25 di yanüari 2016, i e tayer di hurado pa bartènder lo tuma djarason 27 di yanüari i e tayer di bartènder i e kompetensha práktiko pa bartènder lo tuma lugá djabièrnè 29 di yanüari 2016.
Un reseta no tin bida, abo komo kòki mester trese bida na e reseta. Abo ta e ingrediente ku lo trese e sabor na e evenementonan kulinario? Registrá mesora!
Pa mas informashon por yama na e ofisina di CHATA na number: 465-1005 i puntra pa Shardinoushka Schoop of por manda un email na culinary@chata.org