Hobennan kompetiendo den deporte akuátiko

Un delegashon di 20 personadi Swimclub Orca a biaha ayera djaweps 7 di aprel pa Trinidad & Tobago, unda nan lo forma parti di e kompetensha “Regional Water Polo 2016”. Na e torneo aki lo partisipá 2 ekipo di Trinidad, 1 ekipo di Barbados, 1 ekipo di Bahamas, 1 ekipo di Jamaica i e 2 ekíponan di Kòrsou (kategoria U14 i U19 mucha hòmber).

FDDK ta orguyoso di por a duna un man na Swimclub Orca i ta deseá nos hóbennan tur klase di éksito. Si nos ke pa nos deporte sigui krese i halsa su nivel, nos mester kompetí riba nivel internashonal tambe loke sigur ta un stap den e bon direkshon.