“Tin ora hende no ta realisá kon serka nan ta di un premio”

WILLEMSTAD – E kampaña di fin di aña di Fun Miles, ‘Fungo!’, ta un éksito rotundo. E kampaña ta basá riba e popular wega di Bingo. Hopi hende ta loko buskando e numbernan ganadó. Pa e motibu ei Fun Miles ta organisá diferente  ‘SWAP Days’. Durante e dianan aki por kambia number ku otro hende ku ta partisipando na Fungo. Tambe por kambia number ku miembronan di nos Fun Team. Bishitando ‘Swap Days’ ku un tiki suerte bo por haña e number(nan) ku bo falta pa gana un premio ‘Lucky Shape’, òf pa kaba di yena bo karchinan di bingo pa partisipá na e rifa pa gana e premio mayó: un Suzuki Celerio i un total di 750.000 Fun Miles. Fun Miles ta ekstendé un invitashon pa bishitá e SWAP Days, pasobra te ku awe ta 5 di e 58 premionan Lucky Shape a ser ganá. Fun Miles ta bisa: “Hopi biaha hendenan ta hopi serka di gana sierto premio, pero no ta realisá pasobra p.e. na ta hunga hopi di focus pa un otro premio. Loke por yuda alabes ta pa no plak e numbernan mes ora riba bi karchinan di bingo, pero pa eksperimentá promé ku diferente karchi. Durante di e promé Swap Day na Albert Heijn, un señora a komprondé esaki i mes ora a kai den premio.” Entretantu ya sinku ganadó orguyoso ta konosí ku ta; sra. van Zadelhoff kende a gana un  Smart TV, sra. Rouselle Koeiman ku a gana un bòn di balor di ASOGAS, sra. Eumaira Vinck Coy Teran ku a gana un bunita kòmpiuter tablet, i sra. Fiona Daal- Sanches kende a gana un bòn di Kooyman na balor di ANG 1000,-. Fun Miles ta felisitá nan tur di kurason!

FUNGO SWAP DAYS

E siguiente enkuentronan pa kambia number ta;

Djabiernè 14 di desèmber di 14 pa 18’or na Kooyman Sta. Maria, i despues:

Djabiernè 20 di desèmber di 17 pa 20’or na kantor di Fun Miles na Dominguito

Djasabra 21 di desèmber di   9 pa 13’or na Kooyman MegaStore

MAS INFORMASHON TOKANTE FUN MILES?

Yama departamentu di servisio na kliente na 465 3300 òf bishitá funmiles.net òf facebook.com/funmiles.