E interes ta grandísimo…

WILLEMSTAD.- E konsierto di músika Urban i Hip Hop, ‘Summer Fall Concert’ ku ta pendiente pa tuma lugá dia 26 di Novèmber próksimo ta disfrutando di un interes grandísimo na nivel lokal I internashonal.

E interes ta dje haltu ei ku ya kaba e organisadónan, Color Events, ta notifiká ku karchinan pa e sekshon di “VIP i VIP+” a ‘sold out’. Summer Fall Concert lo tuma lugá dia 26 di Novèmber próksimo na Sentro Deportivo Kòrsou i lo konta ku presentashon di Rick Ross, Lil Wayne, August Alsina, Fat Joe, French Montana, dj Envy, Meek Mill, Yo Gotti I Jeremih. Big Tigger lo ta e MC pa e anochi.

Den un kombersashon ku Verney Jansen di Color Events ela indiká ku e interes pa VIP a sorprendé e organisashon, esaki mirando ku for di momentu ku a kuminsá ku benta di karchi e públiko amante di músika Urban i Hip Hop a sali kumpra nan karchi di VIP mesora.

Aworakí ta karchinan pa e sekshon di ‘Premium’ i ‘General’ so a sobra i esakinan ta optenibel na Beep Beep, 24 uur uit de muur, Mensing’s Caminada i na ofisina prinsipal di Digicel.

Buska bo karchi tempran pa bo presensia e evento di músika Urban i Hip Hop’ di mas grandi di Karibe, ‘Summer Fall Concert’ dia 26 di Novèmber próksimo den SDK.