WILLEMSTAD:  E kompetensia pa mira ken por baha mas tantu peso ta wòrdu tumá na serio. Djaweps ultimo Subway i su partnernan a hasi entrega di premio na otro 10 ganador di e kompetensia Get Fit, Get Going. Tur luna- te ku fin di desèmber 2021- ta saka 10 ganador òf mihó bisá e partisipante ku mas peso a pèrdè. Subway ta felisitá tur ganador di e luna aki!

Tokante kompetensia ‘Get Fit, Get Going’:

Promé ku a kuminsá e trayekto tur partisipante a wòrdu pisá i midí pa ‘body fat’ i kada partisipante a indiká pa nan mes kuantu nan ke baha. Partisipantenan ta risibí entrenamentu dos bes pa siman, riba djamars i djaweps. Tur seshon di entrenamentu ta tuma lugá riba e lugá di parker di Subway Saliña.  Entrenadó Bertje i su tim di BFox ta duna tur partisipante teps kon pa bira e mihó vershon di nan mes i alkansá nan meta. Ademas di esaki, entrenadó Aisheron di Fit Body Goals ta coach tur partisipante kon pa kome balansá i saludabel, ku prinsipalmente kumindanan di Subway. Na fin di desèmber Subway lo saka 6 ganador ku lo gana e premionan mayó. Un di nan ta, 1 aña Subway grátis!