Willemstad- Òktober 2013; Djasabra 12 di òktober último, GLOBAL BMX Curaçao ku apoyo spesial di Subway i otro patrosinadònan a hasi inougurashon di e BMX Track nobo na Chuchubiweg #10. Awor pueblo di Kòrsou i espesialmente e fanatikonan di e deporte BMX tin un pista nobo ku ta kontené tur e téknikanan adekuá pa por ehersé e deporte manera mester ta. Subway komo e restorant ku konstantemente ta promové un estilo di bida salú via di su menúnan saludabel e.o e sèntwichnan for di e menú Fresh Fit den kombinashon ku moveshon físiko no a duda niun momentu pa duna su kontribushon ya e pista di BMX por a keda klá. Subway a uni forsa ku GLOBAL BMX Curaçao  pa brinda e atleta di BMX un pista profeshonal ku ta konta ku standartenan internashonal, hasiendo e pista aki un kampo di entrenamentu perfekto pa tur ku ta deseá di sigui progresá den e deporte. E inougurashon ofisial a kuminsá ku palabranan di Minister di Edukashon, Siensia, Kultura i Deporte Sr. Ivar Asjes sigui pa e apertura di e pista. “Esaki ta tipo di proyektonan ku nos ta aploudí, Subway tei pa yuda motivá Kòrsou pa hasi skohensianan saludabel i praktiká deporte. Un komunidat ku ta den moveshon tin su benefisionan pa salu di pueblo engeneral i komo empresa nos ta kontentu di por aportá na esaki. Nos ta felisitá GLOBAL BMX Curaçao ku realisashon di un BMX track fenomenal”, esaki di akuerdo ku Sr. Randy Maurera representante di Subway.