Willemstad- Mei – 2014: Dia promé di yüni próksimo lo tuma lugá e promé Curaçao Color Walk 2014. E kaminata aki lo ta unu diferente den su estilo na unda ku e partisipantenan lo kuminsá e kaminata ku un T-shirt blanku kual na final lo ta di fèrf ku vários kolo briante ku e partisipante lo rekohé riba ruta bishitando e stashonnan di koló (Color Station). Subway ta sumamente entusiasmá di anunsiá ku nan lo ta patrosinadó di e Color Station oraño durante e kaminata aki. Subway ta kere firmemente den un bida salú i ta motivá su klientenan pa nan ta den moveshon konstante, pa e motibu aki Subway ta kontentu di por a pone su skouder bou di e proyekto. E motibu pakiko Subway a skohe pa representá e koló oraño ta  paso esaki ta e koló prinsipal di su kampaña nobo ‘WOW’ ku ta konsistí di un delisioso Oven Roast Chicken Sandwich pa solamente Naf. 5.50. Pa esnan ku ta deseá di forma parti di e promé edishon di Curaçao Color Walk, Subway Brionplein lo tin oportunidat di inskripshon na su terasa dianan 24 i 25 di Mei entre 10’or di mainta i 1’or di atardi. Kostonan pa e kaminata aki lo ta Naf. 10.00 pa mucha i Naf. 20.00 pa adulto. E dia ta kuminsá 6:30AM ku un ‘warm-up’, siguí pa inisio di e kaminata 7:00AM i ta finalisá 8:15AM ku un ‘cool down’. Durante di e mainta Subway lo malkriá tur partisipante ku un snack salú. “E kaminata ta ofresé komunidat e kombinashon perfekto; hasi algu saludabel i tòg sinti goso. Ta e idea pa tur hende ta bon animá durante di e kaminata, pues un invitashon ta bai na pueblo di Kòrsou kompletu pa forma parti di e promé edishon di Curaçao Color Walk 2014. Bin kana 5KM pa un bon kousa i eksperensiá koló manera nunka promé”, esaki di akuerdo ku Randy Maurera representante di Subway.