Willemstad- yüni– 2015: Pa di dos aña konsekutivo Subway ta partisipá komo patrosinadó na e ‘Curaçao Color Walk’. E aña aki e lema di e kaminata ta ‘Color your live by coloring others’. For di su promé aña e kaminata aki a risibí un popularidat inmenso debí na su estilo úniko na unda ku e partisipante ta kuminsá e kaminata ku un T-shirt blanku i na final esaki ta kompletamente di fèrf ku vários kolo briante ku e partisipante ta rekohé riba ruta bishitando e stashonnan di koló (Color Station). E aña aki Subway su ‘color station’ lo ta ros ku lo ta yená ku entretenimentu i bon ambiente durante e kaminata.

Tur fanátiko di e página di  Facebook di Subway por a gana un pakete di partisipashon. Esnan ku a deseá di partisipá lo mester a ‘like’ e imágen di promoshon; total a risibí mas di 400 partisipashon (like) den apénas 8 ora. For di esaki Subway a selektá 2 ganadó. Riba e foto athuntu por mira e representante di Subway entregando e premionan di ‘Curaçao Color Walk 2015’ na e dos ganadónan. Subway ta enkurashá su klientenan pa ‘like’ nan página riba Facebook i tambe sigui e perfil riba instagram p’asina amplia chèns di gana den diferente kampaña riba Social Media.