Oficina di SAC ta keda habri mas laat…. SAC mas visibel riba internet y red social

ORANJESTAD, Aruba – Stichting Arubaanse Carnaval ta anuncia cu nan ta actualisando nan pagina di internet www.carnavalaruba.net y cu awor tin un pagina riba Facebook tambe, esta https://www.facebook.com/StichtingArubaanseCarnaval1. E dos medionan aki ta unda SAC lo percura pa pone tur informacion tocante tur loke tin di haci cu e celebracion di e aniversario di diamanta di nos Carnaval. Ademas, e oficina di SAC lo ta habri full time desde dia 2 di januari 2014. Esaki ta nifica cu e oficina lo ta habri for di 9’or di mainta te por lo menos 6’or di atardi, unda lo atende publico cu informacion, inscripcion, y mas. E oficina lo no cera merdia y lo keda habri mas laat cu 6’or mayoria dia tambe. Carnaval ta ranca sali riba diasabra, dia 4 di januari, cu un gran Jumbie Jump In na San Nicolas y ta caba cu Kimamento di Momo riba dia 4 di maart.