Faltando tres siman mas pa dia 8 di ougùstùs, Helengue a finalisá tur e videonan di e agrupashonnan musikal pa asina bo disfrutá di nan. Siman pasa ta hopi persona por a eksperensia grabashon di e agrupashonan musikal ku a graba pa asina pasa na televishon i alabes riba “Social media”. E agrupashonnan a hasi esaki di un manera festivo, profeshonal i alabes ku nan propio estilo. Gio, ERA, Dreams, O’Vega, HNLY, Dj RO-1, Dolce i Alison Hinds tur a sera kabes i asina nos a graba “E Spot” pa abo por disfrutá di dje. Loke Helengue a hasi ta pone e videonan riba su Facebook like page i pa asina bo por like e agrupashon ku abo gusta i alabes bo por share i laga mundu sa ku bo ta un fanatikada. Helengue ta uni kurason i via di e konekshon, nos ta trese Ambiente pa bo sinti e kayente di Kòrsou su Karnaval. E video lo pasa na TeleCuraçao i alabes por wak un kompilashon riba e led tv screen di The Yellow House den Saliña.

Helengue ta para pa ser inovativo i moderno i ta fundá pa e hóben artista Danny Yanga. E anochi di dia 8 di ougùstùs ta bai ta un anochi espektakular, inolvidabel i algu nunka bisto pa loke ta trata jump in. E bandanan lo animá ku solamente Tumba òf Road Fire i nan hitnan. Grupo di karnaval Helengue ta kere ku tur dia ta karnaval i tur dia mester tin goso den bida i mirando ku karnaval ta un momentu kòrtiku Helengue ta dediká 8 di ougùstùs na tur e karnavalistanan ku stima e ambiente di karnaval. Alison Hinds e artista internashonal konosí pa su kansionnan “Faluma i Roll it Gyal” ta kla pa bin pone Kleine Werf ariba bou ku tantu su kanta i su manera fabuloso di interpretá su piesanan. Helengue ta bini ku un show kompletu pa ku e Mid-Year Jump in Concert i di e manera aki ta splika bo kon e anochi ta bai ta hinka den otro. Despues di parker bo outo bo ta drenta i bo por Shòp grátis algun atributo pa bo por lusi durante di e Jump in, E bar di Leañez ta super espasioso, bon ekipá i ku e mihó bebidanan, Kushina ta na enkargo di famia Yung ku tin e man di oro loke ta kushina, e stage ta algu magnífiko ku Massive tin riba su enkargo i mirando ku e stage ta algu fenomenal e artistanan por kana un sistema di 3 diferente catwalk pa asina nan por ta mas den e bembe i pa abo por ser entretené di un manera espektakular. Loke ta trata e atmósfera ta ser krea den un stail di “Carnival Urban” ku kandela i vürwèrk. Si bo ke kumpra 5 karchi òf mas i risibí karchi gratis mester yama 521-3700 òf serka miembronan di Helengue, of bo por kumpra bo  karchi na Mensings, 24 Uur uit de Muur, Beep Beep, Radio Mas i Radio Direct.  Pa bo karchi di  Vip bo por yama 676-1418.