ORANJESTAD:  Recientemene Digicel a colabora cu un maestro di skol pa su studiantenan ricibi algun MIFI’s y data inlimita pa nan por a studia y prepara pa nan examen. Manera tur hende sa, e siman tras di lomba tabata importante pa tur studiante conciderando cu den e trayecto dificil di COVID nan mester a prepara pa nan examen. Digicel ta contento di por a contribui na studiantenan di Colegio Arubano di manera cu nan por a studia y participa exitosamente na e examen.

Danki na un trahador social y un maestro dedica cu a tuma iniciativa pa aserca Digicel, algun alumno cu no a ricibi MIFI di gobierno por a studia y evita di cai atras cu nan lesnan. Digicel tin amplio experiencia cu conceptonan manera Smart City y Digital Classroom y ta prepara pa contribui na sector di enseñanza cu e conocemento aki. Maske cu e tarea ta di gobierno pa  haci enseñanza accesibel pa tur studiante, na otro paisnan Digicel ta colabora grandemente pa garantisa cu esaki ta keda posibel bou di tur circumstancia. Mescos, cu den e kaso aki di e studiantenan cu tabata falta coneccion di internet. Digicel ta desea tur studiante hopi exito, y ta spera resultadonan positivo!