KRALENDIJK –  Stiching Project na Boneiru a sera un areglo di penshun fleksibel pa su empleadonan na ENNIA i ku esaki ta invertí den futuro di su personal.

Stiching Project ta ofresé su empleadonan un areglo di penshun kolektivo fleksibel di ENNIA. “E motibu ku nos a skohe pa ENNIA ta e nivel di fleksibilidat haltu di nan produktonan di penshun”, sigun direktor i fundadó di e stichting Mick Schmit. “Nos ke hasi posibel pa nos empleadonan tin un areglo di penshun personal. E solushon ku nos a skohe ta tene kuenta ku  deseonan individual di nos empleadonan.”

Stichting PROJECT ta un sentro ortopedagógiko ku ta guia i tambe trata hóbennan ku tin problema pa forma vínkulonan estrecho den nan ambiente. Un sentido di siguridat  i di protekshon ta é  pilánan ku mucha i tambe hóben mester pa por partisipá den bida. Den kaso ku esakinan ta ousente mester buska un manera pa e mucha òf hóben por eksperenshá sierto grado di siguridat atrobe. Stichting PROJECT ta apliká e método FORSA. ENNIA na su turno ta deseá Stichting PROJECT tur forsa pa futuro.

E trabou ku e fundashon akí ta hasi pa komunidat di Boneiru ta di enorme importansha, i ENNIA ta orguyoso di e konstrukshon na midí ku nan a krea pa Stichting PROJECT. ENNIA ta felisitá Stichting PROJECT  ku e areglo di penshun kolektivo fleksibel akí.