Dia 13 di December: cu musica y oportunidad di saca potret cu Santa Claus

ORANJESTAD – December– Starbucks ta den ambiente di fin di aña y pa añadi na e temporada festivo ta organisa un Cheer Party na tur tres Starbucks riba nos isla. Clientenan por bishita Starbucks Renaissance Mall, Market Place y tambe Paseo Herencia pa forma parti di e happy hour cu lo tin. Entre 6’or di atardi y 8’or di anochi Starbucks ta invita tur fiel cliente pa pasa saca potret cu Santa Claus, purba e bebida di e temporada aki y probecha di diferente offertanan, esaki diabierna dia 13 di december. Starbucks a hinca un programa super atractivo den otro pa tur su clientenan, ofreciendo tremendo descuento riba mugs, tumbler – por traha bunita pakete como regalo dor di agrega un paki di e koffie original di Starbucks. Tambe tin Coffee Press Machine, diferente otro tipo di articulo y e popular Starbucks Gift Card. Probecha di e descuentonan; te cu dia 8 di december lo tin 15% di descuento riba tur Holiday Mug y Tumbler. *For di dia 9 te cu 15 di december, clientenan por cumpra un 8 cup French Press, un Starbucks Scoop y un paki di koffie Whole Bean pa unicamente $45. *Dia 16 te cu 22 di december ta clausura cu un tremendo BOGO, cumpra un Holiday Beverage y ricibi un otro gratis. Sinta relaha den e ambiente autentico di Starbucks y experencia e ambiente navideño na un manera diferente; purba e bebidanan pa e temporada di fin di aña cual ta e Toffee Nut Latte of Frappucchino tambe tin e Dark Cherry Mocha Latte of Frappuchino, y e koffie di luna ta e Christmas Blend cu ta disponibel tambe den paki pa bay cas cu’ne, of un barista di Starbucks por ‘grind’ esaki bo dilanti. Pueblo di Aruba ta invita pa bishita tur tres Starbucks riba nos isla;  Renaissance Mall, Market Place y tambe Paseo Herencia!