…Dia 21 di Desèmber próksimo…

WILLEMSTAD:- Starbucks un bes mas ta demostrá su lealtat na un di su metanan mundial, esta di duna bèk na e komunidat di e pais kaminda su filialnan ta establesé. Dia 21 di Desèmber próksimo Starbucks lo ta di bishita na Mangusa Hyper Market for di 10’or di mainta te 12’or di mèrdia pa repartí tasnan di kompra di Starbucks komo parti di su evento komunitario. Yenando e tasnan di kompra di Starbucks ku komestibel i entregando esaki bek na e baristanan di Starbucks ta hasi abo un partisipante na e evento komunitario di Starbucks. Dia 21 di Desèmber próksimo pueblo di Kòrsou kompletu tin oportunidat di hasi un gesto bunita; kumpra algun komestibel na Mangusa i yen’é den e tas di Starbucks pa famianan di ménos rekurso den nos komunidat spesialmente pa e temporada di fin di aña. Ademas di esaki Starbucks lo brinda tur bishitante di Mangusa Hyper Market e oportunidat di purba su kosnan di bebe spesial pe temporada festivo ku nos ta aden. Di e forma aki Starbucks ta demostrá su interes den bienestar di nos komunidat i tambe e deseo pa brinda famianan den nesesidat un selebrashon di Pasku i Fin di aña felis. Esaki ta e oportunidat pa nos yuda otro i pone sonrisa riba kara di esun ku mas tin mester. Bishitá Mangusa Hyper Market dia 21 di Desèmber próksimo entre 10’or di mainta i 12’or di mèrdia i yena un tas di kompra di Starbucks pa un bon kousa.