WILLEMSTAD:- E mihó manera pa refreská i baha kalor den próksimo temporada ta ku e bebidanan refreskante di Starbucks, pues pa e temporada aki Starbucks ta anunsiá yegada di su kampaña ‘Summer 2’ kaminda lo introdusí e ‘Caramel Ribbon Crunch Frappuccino’ i selebrá e regreso di e ‘Mocha Cookie Crumble Frappuccino’.  ‘Frappuccino’ ku awor ta un di bebidanan mas popular di Starbucks, ta brinda tur kliente posibilidat di disfrutá di un bebida personalisá. Sea ta despues di un dia largu di trabou, durante di enkuentro ku amigunan òf riba kaminda pa bai laman semper tin un Frappuccino ideal pa kualkier okashon. Komo parti di kampaña ‘Summer 2’ Starbucks ta introdusí pa un temporada limitá un sabor nobo riba e menú amplio di Frappuccino; ‘Caramel Ribbon Crunch Frappuccino’ kual ta kontené; e famoso Frappuccino Roast, lechi, eis i finalisá ku kuater kapa di stropi di karamèl. Ta bon pa menshoná ku e ‘Caramel Ribbon Crunch Frappuccino’ ta optenibel sin kòfi tambe. Ademas di esaki Starbucks ta selebrá e regreso di e delisioso ‘Mocha Cookie Crumble Frappuccino’ ku ta kontené un stropi dushi di mocha, stropi di vania y ‘frappuccino chips’ den un mix ku e frappuccino roast, lechi i eis.

‘Frappuccino Happy Hour’:

Den e luna di Yüli Starbucks lo tene un ‘Frappuccino Happy Hour’, kaminda tur kliente ku bishitá Starbucks Renaissance Mall lo por disfrutá di nan Frappuccino preferí na un preis spesial. E ‘Frappuccino Happy Hour’ lo ta di 4’or di atardi pa 5’or di atardi kuminsando for di 19 di Yüli te ku 26 di Yüli próksimo. Ta bon pa menshoná ku durante di happy hour tur kliente lo risibí 50% di deskuento riba tur Frappuccino. Probechá di e promoshon ‘Summer 2’ i laga Starbucks hasi e próksimo temporada unu ainda mas dushi i agradabel.