ORANJESTAD:- Comunidad di Aruba semper por conta cu Starbucks, esey ta keda demostra durante di aña cu numeroso accion comunitario. For di reparticion di koffie gratuito na eventonan pa comunidad, te na verfmento di cas y limpiamento di cura, Starbucks tey! Recientemente empleadonan di Starbucks Paseo Herencia a organisa un evento pa e muchanan di Imelda Hof na unda cu den un ambiente social e muchanan a recrea y diberti.  

Cu yudansa di Sr. Armando di Krokus Complete Auto Care, Sr. Wim di FX Sports y Sr. Albert cu Sra. Joann di Black Pearl Sailing, Starbucks a busca e muchanan den autonan grandi manera un Hummer y 3 Raptors Ford pa haci un ‘trip’ cu nan. Grandi tabata e sorpresa pa e muchanan ora a bay cu nan lama y eynan tur a ricibi e tarea pa busca sapato y palo bieu. Mesora e muchanan a pone man na obra y a colecta bastante sapato y palo. Ora nan a yega bek e muchanan mester a uza nan creatividad pa verf e sapato y pida palonan pa despues pega esakinan na un cabuya largo. Ora tur cos a seca a colga e cabuya cu e sapato y palonan colorido bou di e gazebo na Imelda Hof. Durante e dia e muchanan a ricibi cosnan di boca dushi y tambe refreshers di Starbucks. Un gradicimento tur partnernan cu a haci e dia aki posibel pa e muchanan.