Dia 30 di April proximo: Let’s Zumba!

ORANJESTAD- April 2016: Starbucks semper a promove un espirito comunitario; tur aña di nobo tur Starbucks na mundo ta participa den un programa specialmente dedica na e comunidad den cual nan ta opera. Starbucks Aruba semper ta sobresali cu nan estilo unico, e aña aki no ta un excepcion. Luna di april ta Starbucks su ‘Global Month of Services’ y aña aki lo tin un tremendo ‘Zumbathon’ dedica na Animal Rights Aruba. E meta principal di e Zumbathon aki ta pa recauda mas fondonan posibel y entrega esaki den forma di un donacion na Animal Rights Aruba.

Aruba henter ta keda cordialmente invita pa forma parti na e tremendo Zumbathon cu lo tuma lugar dia 30 di april proximo parti patras di Renaissance Convention Center. Cuminsando pa 8’or di mainta bao guia di 3 gran zumbera’s, Denise Krozendijk, Rose Ann Ruiz y Roshen Donata cu lo ta cla pa pone cada un presente move den forma saludabel. E evento ta programa pa dura tres ora. Participacion ta facil, pasa na Starbucks Paseo Herencia, Starbucks Marketplace of Starbucks Renaissance Mall y inscribi bo mes pa solamente 10 florin y aporta na Animal Rights Aruba. Despues di e evento, Starbucks lo otorga ARA e suma completo cu a wordo recauda durante inscripcion.

Lo bay tin varios premionan atractivo, pa e prome lugar un weekendstay na Renaissance Aruba y hopi otro premio mas un 2ndo y 3cer lugar. E Starbucks ‘kids corner’ tambe lo bay tey yena cu weganan dibertido pa nos muchanan manera face-painting, dino jump y mucho mas. No por keda sin menciona cu e dushi koffie di Starbucks tambe lo keda reparti durante henter e evento. For di awor caba Starbucks kier a gradici e 3 zumbera’s nan pa nan aporte na e dia special aki. Pa mas informacion por tuma contacto na 5236185 of 5236752