ORANJESTAD– September – Starbucks recientemente a tene su evento comunitario. E biaha aki a toca turno na Fundacion Arubano pa Invalidonan (FUNARI) cu a ricibi un bishita di Starbucks y su partnernan. Meta principal di e fundacion aki ta pa saca e invalido for di su ambiente y ofrece diferente actividad den cual e por participa y di e forma ey diberti, socialisa y comparti cu otronan. Ademas di esaki, FUNARI tin su propio ‘cas’ tambe. Na ‘Cas Funari’ e clientenan ta topa cu otro den nan mes ambiente. 

Starbucks su bishita tabata den forma di un seminario pa mas o menos 25 cliente. A prepara un presentacion di Power Point cu informacion di Starbucks su ‘Anniversary Blend’ di Asia Pacifico y ‘Pike Place’ di Latino America. Den e presentacion a pone extra enfasis riba e koffie ‘Pike Place’ como cu esaki ta e koffie signatura di Starbucks. Tambe a parti muestra di diferente cos di come cu Starbucks tin pa ofrece . E presentacion a cay na agrado di e clientenan di Funari mirando cu Starbucks ta nan sitio preferi ora ta desea di bebe bon koffie y combersa un ke otro. E clientenan a siña poco mas di koffie y alabes cera conoci mas di cerca cu e compania. Starbucks ta gradici FUNARI y su clientenan pa nan hospitalidad i amabilidad.