Entre mas di 49,000 coupon a saca 15 ganador:

ORANJESTAD – JAN–  Diabierna atardi tur 15 ganador di e campaña di fin di aña di Renaissance Mall y Wind Creek Crystal & Seaport Casino a presenta na Renaissance Mall.  Un di nan lo tabata tin e suerte di ‘UNWRAP’ e caha di regalo cu e yabi pa start e Lincoln MKC 2018. Tur hende cu a haci nan comprasnan di fin di aña na Renaissance Mall tabata tin e oportunidad unico di gana e auto, ora cu nan cumpra $50 of mas. Esunnan cu a purba nan suerte den Wind Creek Crystal & Seaport Casino tambe por a participa cu cada 50 punto acumula. For di un tombola inmenso cu mas di 49,000 coupon a saca 15 ganador.

Durante di un evento specialmente pa e 15 ganadornan, un di e ganadornan lo a scoge e  ‘caha di regalo’ cu e yabi di e auto, adicional otro 14 premio mas entre nan un Travel Voucher na balor di $3,000. Un suspenso inmenso, ora cu cada participante a scoge e ‘caha di regalo’ cu nan suerte. Despues di un rato, cada un mester a habri e ‘caha di regalo’ y mira e contenido. Entre grito y alegria sra. Angela Maria Perozo a tuma nota di e yabi di e bunita Lincoln MKC 2018. Sra. Perozo a purba su suerte na Wind Creek Crystal & Seaport Casino, acumula su puntonan y deposita su coupon. Awe, e ta ‘core drenta’ 2019 cu su auto nobis nobis!Otro premio cu tambe tabata impactante tabata esun cu Leomar Hazel a gana, cumprando un polo-shirt na Nautica den Renaissance Mall- un Travel Voucher na balor di $3,000! Renaissance Mall y Wind Creek Crystal & Seaport Casino ta felicita tur 15 ganador di e campaña di fin di aña!