KRALENDIJK- SEPT 2014: Siman nobo, ganadó nobo! Digicel ta hasi entrega di premio na 2 ganador den e kampaña “Digicel… Esun Dibo!” Sr. Remy Thielman a resultá felis ganadó di $1000 kèsh, miéntras ku Sra. Amarylles  Hart a bai kas ku un Samsung Galaxy S5. Srta. Nicola Conquet, ehekutivo di merkadeo pa Digicel Boneiru ta splika, “E idea di e kampaña aki ta pa Digicel hasi su klientenan kontentu i den forma interaktivo demostrá gratitut na e lealtat ku nan tin pa nos kompania. Digicel ta di Boneiru, pues e ta dibo tambe….” Tur djaweps pa 4:30PM, Digicel ta presente den e programa ku Dj Marvin na Radio Digital 91.1fm pa regalá e premionan den e kampaña. Spera e yamada!

Pa partisipá ta fásil: E kliente lo tin ku ‘Top up’ (rekargá) ku $3 òf mas i outomátikamente e lo ta partisipando. Kada bes ku e kliente rekargá na Digicel den Kaya Grandi òf serka kualkier rebendedó e ta partisipá den e kampaña. Ademas di esaki, tur kliente ku sera un kuenta postpago nobo tambe tin chèns di gana. Semanalmente lo saka e premionan via di Radio Digital. Lo yama un number di telefon, e persona ku kontestá e yamada e momentu ei lo mester kontestá “Digicel… Esun Dibo!”- únikamente asina ei e lo gana e premio. Sea ta e, $1,000 kèsh òf un Smartphone. Sr. Remy Thielman a  gana dor ku korektamente e’la kontesta “Digicel… Esun Dibo!” ora ku e’la wòrdu yamá for di studio prinsipal di Radio Digital. Otro siman lo rifa un otro Samsung Galaxy, pues ta invitá tur kliente pa nan keda pendiente di nan telefon i gana tremendo premio. Pa mas informashon tokante produkto, promoshon òf e tremendo kampaña aki por bishita www.digicelbonaire.com òf e página di facebook www.facebook.com/DigicelBonaire E kampaña lo ta vigente te ku dia 30 di sèptèmber próksimo.