WILLEMSTAD, Kòrsou–Desèmber 2014; E fin di siman tras di lomba Carnaval Casino ta bolbe hasi un kliente felis, na momentu ku e di 90 outo ta keda ganá. E satisfakshon, di gana un outo ta ripití pa di 3 biaha serka sr. Haseth. Esaki ta e di 3 outo ku e ta gana na Carnaval Casino. “Tabata den un frega di wowo, mas fásil ku mi mes a pensa. Mi a bishitá Carnaval Casino ku e propósito di gana e outo- mi koló faborito ‘blou’, ya mi a mira mi mes ta kore den dje kaba”, esaki tabata e promé palabranan di e felis ganador, sr. Reginald A. Haseth. Tabata un momentu di alegria pa sr. Haseth ora e mashin ‘Win a Car’/ Mystery Jackpot a saka e zonidonan popular pa anunsiá ku e’la gana e outo. Mesora ehekutivonan di e casino a aserk’é p’asina brinda kuné, e’la bira ganador di outo #90- esaki tabata meresé èkstra shampaña i un poko èkstra atenshon. Pa selebrá esaki, e ta risibí su number plat pa sobra aña komo regalo. Ya e siguiente outo ta klá pa wòrdu ganá! No lubidá ku tur miembro ta risibí un kupòn pa kada 25 punto akumulá riba nan karchi di miembresia di Carnaval Casino i asina partisipá den e kampaña “Island Xtravaganza”.